ఢిల్లీలో జనసేన కీలక సమావేశం నిర్వహించనున్న పవన్ కళ్యాణ్

జనసేన పార్టీ అధ్యక్షులు, ఆంధ్రప్రదేశ్ ఉప ముఖ్యమంత్రి పవన్ కళ్యాణ్ సోమవారం ఢిల్లీలో పార్టీ ఎంపీలు, ఎమ్మెల్యేలు, ఎమ్మెల్సీలు, ముఖ్య నేతలతో విస్తృత సమావేశం నిర్వహించనున్నారు. “సేన ప్రస్థానం… జాతీయ సమైక్యత కోసం” అనే శీర్షికతో జరుగుతున్న ఈ సమావేశంలో ప్రాంతీయతను గౌరవిస్తూ జాతీయ సమగ్రతను బలోపేతం చేయడం లక్ష్యంగా చర్చలు జరగనున్నాయి.

జనసేన స్థాపనకు 15 సంవత్సరాలు పూర్తవుతున్న సందర్భంగా పార్టీ సిద్ధాంతాలు, జాతీయ సమైక్యత దిశగా చేసిన ప్రయాణం ఈ సమావేశంలో వివరించనున్నారు. తెలంగాణతో పాటు కర్ణాటక, తమిళనాడు, కేరళ నుంచి కొత్తగా చేరిన నేతలు కూడా హాజరవుతున్నారు. ఢిల్లీలోని అశోక హోటల్‌లో ఉదయం ప్రారంభమై సాయంత్రం వరకు ఈ సమావేశం కొనసాగనుంది.