ధనుష్, మృణాల్ విడిపోయారా?

ధనుష్ మరియు మృణాల్ ఠాకూర్ మధ్య సంబంధంపై గత కొంతకాలంగా సోషల్ మీడియాలో రూమర్లు వినిపిస్తున్నాయి. పలు ఈవెంట్లలో కలిసి కనిపించడం, వైరల్ వీడియోలు ఈ ప్రచారానికి బలం చేకూర్చాయి. అయితే తాజాగా ఫిల్మ్‌ఫేర్ ప్రచురించిన కథనం ప్రకారం, వీరిద్దరూ విడిపోయినట్లు సమాచారం. సన్నిహిత వర్గాల ప్రకారం ఇద్దరూ తమ తమ మార్గాల్లో ముందుకు వెళ్లాలని నిర్ణయించుకున్నారని చెబుతున్నారు. ఈ విషయంపై ధనుష్, మృణాల్ ఇప్పటివరకు స్పందించలేదు.

ఈ రూమర్లు మొదటగా సన్ ఆఫ్ సర్దార్ 2 ప్రీమియర్ సందర్భంగా ప్రారంభమయ్యాయి. ఆ సమయంలో ధనుష్, మృణాల్ మధ్య జరిగిన ఆత్మీయ సంభాషణ వీడియో వైరల్ అయింది. తరువాత తేరే ఇష్క్ మేన్ ర్యాప్-అప్ పార్టీలో మృణాల్ కనిపించడం, అలాగే ధనుష్ సోదరీమణులను ఫాలో కావడం ఈ ప్రచారానికి మరింత బలం ఇచ్చింది. అయితే గతంలో ఈ రూమర్లను మృణాల్ ఖండిస్తూ, ధనుష్ తనకు మంచి స్నేహితుడేనని తెలిపింది. అజయ్ దేవగన్ ఆహ్వానం మేరకే కార్యక్రమానికి హాజరైనట్లు స్పష్టం చేసింది. తన వ్యక్తిగత జీవితంపై కాకుండా సినిమాలపై దృష్టి పెట్టాలని ఆమె కోరింది.