మటన్‌లో ఈ భాగాలు తినొద్దు.. వైద్యుల హెచ్చరిక

ఆదివారం వచ్చిందంటే చాలా మంది ఇళ్లలో మటన్ వంటలు ఘుమఘుమలాడుతుంటాయి. మటన్ కర్రీ, బిర్యానీ, వేపుడు వంటి వంటకాలు ఎంతో రుచిగా ఉంటాయి. అయితే మటన్‌లో ఉన్న అన్ని భాగాలు ఆరోగ్యానికి మంచివి కావని నిపుణులు హెచ్చరిస్తున్నారు. శరీరానికి పోషకాలు అందించినప్పటికీ, కొన్ని భాగాలు తింటే అనారోగ్య సమస్యలు తలెత్తే ప్రమాదం ఉంది.

నిపుణుల ప్రకారం, చేదు సంచి, మూత్రాశయం, మెడ నరాలు, శోషరస గ్రంథులు, పొట్ట కొవ్వు, ఊపిరితిత్తులు, పేగులు వంటి భాగాలను దూరంగా ఉంచాలి. వీటిలో హానికరమైన బ్యాక్టీరియా, విషపదార్థాలు లేదా జీర్ణం కాని పదార్థాలు ఉండే అవకాశం ఉంది. సరైన శుభ్రత లేకుండా వీటిని తింటే ఇన్ఫెక్షన్లు, జీర్ణ సమస్యలు వచ్చే ప్రమాదం ఉంది. కాబట్టి మటన్ కొనుగోలు మరియు వంట సమయంలో జాగ్రత్తలు అవసరం.

గమనిక: ఈ సమాచారం కేవలం అవగాహన కోసం మాత్రమే. ఏవైనా ఆరోగ్య సమస్యలు లేదా సందేహాలు ఉంటే వైద్యులను సంప్రదించి వారి సూచనలు పాటించండి.