వైద్యుల సలహా: ఇంట్లో తయారు చేసిన మెంతి స్నాక్

మెంతికూర వడలు సాయంత్రం వేళల్లో తినడానికి ఎంతో రుచికరమైన మరియు కరకరలాడే స్నాక్. దీనికి ఒక కట్ట మెంతికూర, ఒక కప్పు శనగపిండి, పావు కప్పు బియ్యప్పిండి, ఒక ఉల్లిపాయ, నాలుగు పచ్చిమిర్చి, చిన్న అల్లం ముక్క, కొద్దిగా కరివేపాకు అవసరం. అలాగే ఒక టేబుల్ స్పూన్ జీలకర్ర, ఒక టేబుల్ స్పూన్ కారం, రుచికి సరిపడా ఉప్పు మరియు వేయించడానికి నూనె తీసుకోవాలి. ముందుగా మెంతికూరను శుభ్రంగా కడిగి ఒక గిన్నెలో వేసి, అందులో ఉల్లిపాయ ముక్కలు, పచ్చిమిర్చి, అల్లం పేస్ట్, కరివేపాకు వేసి కలపాలి. తర్వాత శనగపిండి, బియ్యప్పిండి, జీలకర్ర, కారం, ఉప్పు వేసి కొద్దిగా నీరు చల్లి గట్టిగా మిశ్రమం తయారు చేయాలి.

స్టౌ మీద పాన్ పెట్టి నూనె వేడి చేసి, మిశ్రమాన్ని చిన్న వడల్లా చేసి మధ్య మంటపై వేయించాలి. రెండు వైపులా బంగారు రంగు వచ్చే వరకు బాగా వేయించాలి. తరువాత వాటిని టిష్యూపై తీసి అదనపు నూనె తొలగించాలి. ఈ వడలు వేడి వేడిగా ఉంటే మరింత రుచిగా ఉంటాయి. పల్లీల చట్నీ లేదా కొబ్బరి పచ్చడితో వడ్డిస్తే మరింత రుచి పెరుగుతుంది.