లోకేష్ హీరోగా డీసీ.. భారీ యాక్షన్‌తో సిద్ధం

దర్శకుడిగా వరుస విజయాలతో దూసుకెళ్తున్న లోకేష్ కనగరాజ్ ఇప్పుడు హీరోగా ప్రేక్షకుల ముందుకు రాబోతున్నారు. ఆయన ప్రధాన పాత్రలో నటిస్తున్న గ్యాంగ్‌స్టర్ యాక్షన్ డ్రామా చిత్రం ‘డీసీ’ని ‘కెప్టెన్ మిల్లర్’ ఫేమ్ అరుణ్ మాతేశ్వరన్ తెరకెక్కిస్తున్నారు. ఈ చిత్రంలో బాలీవుడ్ నటి వామికా గబ్బి కథానాయికగా నటిస్తుండగా, సన్ పిక్చర్స్ భారీ బడ్జెట్‌తో నిర్మిస్తోంది. మొదట జూలై 31న విడుదల చేయాలని భావించిన ఈ చిత్రం కోసం అభిమానులు ఆసక్తిగా ఎదురుచూస్తున్నారు.

తాజాగా చిత్రబృందం కీలక అప్‌డేట్‌ను వెల్లడించింది. సినిమా సెన్సార్ కార్యక్రమాలు పూర్తయ్యాయని, బోర్డు ‘A’ సర్టిఫికెట్ జారీ చేసినట్లు ప్రకటించింది. సినిమాలోని భారీ యాక్షన్ సన్నివేశాలు, హింసాత్మక అంశాల కారణంగా ఈ సర్టిఫికెట్ వచ్చినట్లు తెలుస్తోంది. అలాగే విడుదలను వారం రోజులు వాయిదా వేసి ఆగస్టు 7న ప్రపంచవ్యాప్తంగా థియేటర్లలో విడుదల చేయనున్నట్లు మేకర్స్ తెలిపారు. లోకేష్ నటన, అరుణ్ మాతేశ్వరన్ యాక్షన్ ట్రీట్‌మెంట్‌తో ఈ సినిమాపై అంచనాలు మరింత పెరిగాయి.