వయసు తేడాపై అప్పుడే ప్రశ్నలు వచ్చాయి: అమీషా పటేల్

హిందీ సినీ చరిత్రలో అత్యంత విజయవంతమైన చిత్రాల్లో ఒకటైన ‘గదర్’ విడుదలై 25 సంవత్సరాలు పూర్తి చేసుకుంది. ఈ సందర్భంగా హీరోయిన్ అమీషా పటేల్ ఆ సినిమా సమయంలో ఎదురైన విమర్శలను గుర్తు చేసుకున్నారు. ‘గదర్’ సినిమా చేయవద్దని తనకు చాలామంది సలహా ఇచ్చారని, కథలో విజయం సాధించే అంశాలు కనిపించడం లేదని అప్పట్లో పలువురు అభిప్రాయపడ్డారని తెలిపారు.

అలాగే తనకంటే చాలా పెద్దవయసున్న సన్నీ దేఒల్‌తో జంటగా నటించడం గురించి కూడా ప్రశ్నలు వచ్చాయని అమీషా వెల్లడించారు. అయితే కథకు అవసరమైతే వయసు తేడా సమస్య కాదని, అవసరం లేకుండా అలాంటి అంశాలను చూపించినప్పుడు మాత్రమే ప్రశ్నించాల్సిన అవసరం ఉంటుందని అన్నారు. నేటి ప్రేక్షకులు కొన్ని సినిమాలను తిరస్కరించడానికి ఇదీ ఒక కారణమని ఆమె అభిప్రాయపడ్డారు.