రాజకీయాలపై రాఘవ లారెన్స్ క్లారిటీ..

మల్టీ టాలెంటెడ్ నటుడు, దర్శకుడు రాఘవ లారెన్స్ రాజకీయ ప్రవేశంపై వస్తున్న ఊహాగానాలకు తాజాగా స్పష్టత ఇచ్చారు. ఇటీవల రాజకీయాల్లోకి రావాలా వద్దా అనే విషయాన్ని అభిమానుల అభిప్రాయానికి వదిలేస్తున్నట్లు ప్రకటించిన ఆయన, ఇప్పుడు తమిళనాడులో సీఎం విజయ్ పోటీ చేసిన నియోజకవర్గాల్లో ఒకటైన తిరుచ్చి ఈస్ట్ నుంచి పోటీ చేయనున్నారనే ప్రచారం నేపథ్యంలో స్పందించారు. ఈ వార్తల్లో ఎలాంటి నిజం లేదని ఆయన స్పష్టం చేశారు.

విజయ్ ఖాళీ చేసిన స్థానంలో తాను పోటీ చేయబోవడం లేదని రాఘవ లారెన్స్ వెల్లడించారు. అయితే రాజకీయాల్లోకి ఎప్పటికీ రానని కూడా చెప్పలేదని, ప్రస్తుతం తన పూర్తి దృష్టి సినిమాలపైనే ఉందన్నారు. తన సేవా కార్యక్రమాలు మాత్రం ఎలాంటి విరామం లేకుండా కొనసాగుతాయని తెలిపారు. ప్రస్తుతం ఆయన ‘బెంజ్’, ‘కాంచన 4’ తదితర చిత్రాలతో బిజీగా ఉన్నారు. ఈ ప్రకటనతో రాజకీయ ప్రవేశం కోసం ఎదురుచూసిన అభిమానులకు కొంత నిరాశ ఎదురైంది.