‘జైలర్ 2’పై పెరుగుతున్న అంచనాలు

రజనీకాంత్ హీరోగా తెరకెక్కుతున్న ‘జైలర్ 2’పై ఇప్పటికే భారీ అంచనాలు నెలకొన్నాయి. ఈ చిత్రానికి సంబంధించిన తాజా అప్డేట్ సినిమాపై మరింత ఆసక్తిని పెంచింది. దేశవ్యాప్తంగా గుర్తింపు పొందిన పలువురు నటులు క్యామియో పాత్రల్లో కనిపించనున్నట్లు వార్తలు వచ్చిన నేపథ్యంలో, ఇప్పుడు విజయ్ సేతుపతి కూడా ఈ సినిమాలో కనిపించనున్నట్లు స్వయంగా ధృవీకరించారు. దీంతో అభిమానుల్లో ఉత్సాహం మరింత పెరిగింది.

ఇటీవల తాను ఇకపై హీరో పాత్రలకే పరిమితం అవుతానని చెప్పిన విజయ్ సేతుపతి, ఈ చిత్రంలో నటించడానికి ఒప్పుకోవడం ఆసక్తికరంగా మారింది. ఈ విషయంపై స్పందిస్తూ, రజనీకాంత్ గారి కోసం మాత్రమే అతిథి పాత్రకు అంగీకరించానని తెలిపారు. నెల్సన్ దిలీప్ కుమార్ దర్శకత్వంలో రూపొందుతున్న ఈ చిత్రానికి అనిరుధ్ రవిచందర్ సంగీతం అందిస్తున్నారు. సన్ పిక్చర్స్ బ్యానర్‌పై కళానిధి మారన్ నిర్మిస్తున్న ఈ చిత్రం అక్టోబర్ 15న విడుదల కానుంది.