డైలాగులు లేని ‘సింగ్ గీతం’ విడుదలకు సిద్ధం..

దిగ్గజ దర్శకుడు సింగీతం శ్రీనివాసరావు రూపొందించిన ‘సింగ్ గీతం’ ఈ నెల 12న ప్రేక్షకుల ముందుకు రానుంది. ఈ చిత్రం తన ప్రత్యేక కాన్సెప్ట్‌తో ఇప్పటికే సినీ అభిమానుల దృష్టిని ఆకర్షిస్తోంది. సాధారణ సినిమాల మాదిరిగా ఇందులో డైలాగులు ఉండవు. కథలోని ప్రతి సంభాషణను పాటల రూపంలోనే చూపించనున్నారు. అంతేకాకుండా కథలో అతీంద్రియ అంశాలను కూడా జోడించడం ఈ సినిమాపై మరింత ఆసక్తిని పెంచుతోంది.

దర్శకుడు నాగ్ అశ్విన్, సింగీతం శ్రీనివాసరావుకు నివాళిగా ఈ చిత్రాన్ని నిర్మించారు. ఎలాంటి రాజీ లేకుండా భారీ స్థాయిలో ప్రచారం నిర్వహిస్తున్నారు. ఈ సినిమా వాణిజ్యపరంగా విజయం సాధిస్తే వయసు సృజనాత్మకతకు అడ్డంకి కాదనే విషయాన్ని మరోసారి నిరూపించడంతో పాటు, ప్రేక్షకులు ప్రయోగాత్మక కథలను అంగీకరించరనే అభిప్రాయాన్ని కూడా మార్చే అవకాశముందని సినీ వర్గాలు భావిస్తున్నాయి.