‘వెల్‌కమ్ టు ది జంగిల్’తో బాలీవుడ్‌లో భారీ హైప్

అక్షయ్ కుమార్ ప్రధాన పాత్రలో వస్తున్న కామెడీ ఎంటర్‌టైనర్ ‘వెల్‌కమ్ టు ది జంగిల్’పై అనౌన్స్‌మెంట్ నుంచే భారీ హైప్ కొనసాగుతోంది. అహ్మద్ ఖాన్ దర్శకత్వంలో రూపొందుతున్న ఈ మల్టీస్టారర్ చిత్రంలో సునీల్ శెట్టి, అర్షద్ వార్సి, పరేష్ రావల్, దిశా పటాని, జాక్వెలిన్ ఫెర్నాండెజ్, రవీనా టాండన్, లారా దత్తా వంటి భారీ తారాగణం నటిస్తున్నారు. తాజాగా విడుదలైన ట్రైలర్ సినిమాపై అంచనాలను మరింత పెంచింది.

ఇప్పుడు ఈ సినిమాలో సల్మాన్ ఖాన్ గెస్ట్ రోల్‌లో కనిపించనున్నారనే వార్తలు బాలీవుడ్‌లో హాట్ టాపిక్‌గా మారాయి. ఈ విషయంపై నటుడు కృష్ణ ఇచ్చిన స్పందనతో మరింత హైప్ పెరిగింది. అభిమానులు సల్మాన్ ఎంట్రీ కోసం ఆసక్తిగా ఎదురుచూస్తున్నారు. ఈ చిత్రం జూన్ 26న ప్రపంచవ్యాప్తంగా థియేటర్లలో విడుదల కానుంది.