రూ.99కే 20+ ఓటీటీలు.. సినీ ప్రియులకు అదిరిపోయే బంపర్ ఆఫర్!

ఎయిర్‌టెల్ ఎక్స్‌స్ట్రీమ్ ప్లే (AXP) రూ.99కే 20కిపైగా ఓటీటీ ప్లాట్‌ఫారమ్‌లను అందించే ప్రత్యేక సబ్‌స్క్రిప్షన్ ఆఫర్‌ను ప్రకటించింది. ఈ డిస్కౌంట్ ఆఫర్ జూన్ 13 నుంచి జూన్ 18 వరకు మాత్రమే అందుబాటులో ఉంటుంది. SonyLIV, ZEE5, Lionsgate Play వంటి ప్రముఖ స్ట్రీమింగ్ సేవలు ఈ ప్యాక్‌లో ఉన్నాయి. విడివిడిగా ఓటీటీ సబ్‌స్క్రిప్షన్లు తీసుకోవడం కంటే ఒకే ప్యాకేజీలో ప్రీమియం కంటెంట్ పొందాలనుకునే వారికి ఇది మంచి ఎంపికగా భావిస్తున్నారు.

ఆంధ్రప్రదేశ్, తెలంగాణ వంటి ప్రాంతీయ మార్కెట్లలో వినియోగదారులను ఆకర్షించేందుకు ఈ ఆఫర్‌ను తీసుకొచ్చినట్లు తెలుస్తోంది. సబ్‌స్క్రైబర్లు HD నాణ్యతలో సినిమాలు, వెబ్ సిరీస్‌లు, లైవ్ స్పోర్ట్స్, అంతర్జాతీయ డాక్యుమెంటరీలను వీక్షించవచ్చు. తక్కువ ఖర్చుతో మొబైల్ లేదా స్మార్ట్ టీవీని పూర్తి ఎంటర్‌టైన్‌మెంట్ హబ్‌గా మార్చుకునే అవకాశం ఇది.