శ్రీకాళహస్తిలో ఘనంగా మంత్రి సత్యకుమార్ యాదవ్ జన్మదిన వేడుకలు

ఆంధ్రప్రదేశ్ ఆరోగ్య, కుటుంబ సంక్షేమ, వైద్య విద్య శాఖ మంత్రి వై. సత్యకుమార్ యాదవ్ జన్మదిన వేడుకలను శ్రీకాళహస్తిలో బీజేపీ రాష్ట్ర ఉపాధ్యక్షుడు కోలా ఆనంద్ ఆధ్వర్యంలో నిర్వహించారు. ఉదయమే శ్రీకాళహస్తీశ్వర స్వామి, జ్ఞానప్రసూనాంబ అమ్మవారి ఆలయంలో మంత్రి సత్యకుమార్ యాదవ్ పేరు మీద సంకల్పం, ప్రత్యేక అర్చనలు నిర్వహించారు.

అనంతరం రామసేతు వంతెన వద్ద భవన నిర్మాణ కార్మికులకు బీజేపీ నాయకులు, కార్యకర్తలు కలిసి అల్పాహారం, స్వీట్లు, పండ్లు పంపిణీ చేశారు. ఈ సందర్భంగా కోలా ఆనంద్ మంత్రి సత్యకుమార్ యాదవ్‌కు జన్మదిన శుభాకాంక్షలు తెలిపారు. ప్రజారోగ్య రంగంలో ఆయన మరింత సమర్థవంతంగా సేవలందించాలని ఆకాంక్షించారు. సత్యకుమార్ యాదవ్‌కు మంచి ఆరోగ్యం, ఆయురారోగ్యాలు, దీర్ఘాయువు కలగాలని కోరుకున్నారు.