వైభవ్‌పై ఇషాన్‌ చేసిన కామెంట్స్ వైరల్

దులీప్ ట్రోఫీలో ఈస్ట్ జోన్ జట్టు టైటిల్‌ గెలవడంలో కెప్టెన్ ఇషాన్ కిషన్, వైస్ కెప్టెన్ వైభవ్ సూర్యవంశీ కీలక పాత్ర పోషించారు. ఇషాన్ అద్భుత బ్యాటింగ్‌తో ‘ప్లేయర్ ఆఫ్ ది మ్యాచ్‌’గా నిలవగా, యువ సంచలనం వైభవ్ తన బ్యాటింగ్‌తో పాటు నాయకత్వ నైపుణ్యాలతోనూ ఆకట్టుకున్నాడు. ఇషాన్ గాయం కారణంగా మైదానంలో లేని సమయంలో వైభవ్ కెప్టెన్సీ బాధ్యతలు చేపట్టి డీఆర్ఎస్ నిర్ణయాల్లోనూ కీలకంగా వ్యవహరించాడు. తాజాగా బీసీసీఐ దేశవాళీ క్రికెట్ విభాగం విడుదల చేసిన వీడియోలో ఇషాన్ ఈ విషయాన్ని ప్రస్తావిస్తూ వైభవ్‌ను సరదాగా ఆటపట్టించాడు. డీఆర్ఎస్‌ విషయంలో క్రెడిట్‌ మొత్తం వైభవ్‌కే దక్కిందని, తాను రివ్యూ తీసుకోవాలని నిర్ణయించినప్పటికీ వైభవ్ ఎంతో నమ్మకంగా సలహా ఇచ్చాడని ఇషాన్ చెప్పాడు.

ఇషాన్ వ్యాఖ్యలకు వైభవ్ కూడా చురుకైన సమాధానం ఇచ్చాడు. ఇషాన్ మైదానంలో ఉన్నప్పుడు రివ్యూ తీసుకోవాలని తానే సూచించానని, అయితే తాను గాయంతో పెవిలియన్‌లో ఉన్నప్పుడు డీఆర్ఎస్‌ తీసుకున్నది ఎవరో కూడా చెప్పాలని సరదాగా కౌంటర్ ఇచ్చాడు. వైభవ్ సమాధానంతో ఇషాన్ ఆకట్టుకున్నాడు. వైభవ్‌లో నాయకత్వ లక్షణాలు పుష్కలంగా ఉన్నాయని, భవిష్యత్తులో అతడు కెప్టెన్‌గా ఎదిగినా ఆశ్చర్యం లేదని ప్రశంసించాడు. జట్టులో వైభవ్ ఉండటం వల్ల ఒత్తిడి తగ్గుతుందని, జూనియర్‌ అయినప్పటికీ అందరినీ జాగ్రత్తగా చూసుకుంటాడని చెప్పిన ఇషాన్.. చివర్లో వైభవ్ ఒక్కడే జూనియర్ అంటూ మరోసారి సరదాగా వ్యాఖ్యానించాడు.