ఇతనికి ఐపీఎల్‌లో ఛాన్స్ రాలేదు.. ఇప్పుడు టీమిండియాలో చోటు!

శ్రీలంకతో జరిగే రెండు టెస్టుల సిరీస్‌కు భారత జట్టులో చోటు దక్కించుకోవడంతో మధ్యప్రదేశ్ ఆల్‌రౌండర్ సారాంశ్ జైన్ ఎన్నో ఏళ్ల నిరీక్షణకు తెరపడింది. తొలి టెస్టుకు గాయంతో దూరమైన వాషింగ్టన్ సుందర్ స్థానంలో అతడిని ఎంపిక చేశారు. కుడిచేతి ఆఫ్‌స్పిన్ బౌలర్‌గా, ఎడమచేతి బ్యాటర్‌గా జట్టుకు ఉపయోగపడే సారాంశ్ 2014లో ఫస్ట్‌క్లాస్ అరంగేట్రం చేసినప్పటి నుంచి 181 వికెట్లు, 2,223 పరుగులతో దేశీయ క్రికెట్‌లో తన ప్రతిభను నిరూపించాడు.

రంజీ ట్రోఫీలో మధ్యప్రదేశ్‌కు ప్రాతినిధ్యం వహించిన మాజీ క్రికెటర్ సుభోధ్ జైన్ కుమారుడైన సారాంశ్, 2022లో జట్టు తొలి రంజీ ట్రోఫీ విజయంలో కీలక పాత్ర పోషించాడు. ఇటీవల శ్రీలంక ‘ఏ’తో జరిగిన అనధికారిక టెస్టుల్లో ఇండియా ‘ఏ’ తరఫున ఆరు వికెట్లు తీసి, అజేయంగా 70 పరుగులు చేసి సెలెక్టర్లను ఆకట్టుకున్నాడు. వరుసగా మూడు ఐపీఎల్ వేలాల్లో అమ్ముడుపోకపోయినా, దేశీయ క్రికెట్‌లోని నిలకడైన ప్రదర్శనతో ఇప్పుడు భారత టెస్ట్ జట్టులో చోటు సంపాదించి తన కలను నిజం చేసుకున్నాడు.