ఇంధన ఎగుమతి సుంకం

పెట్రోల్, డీజిల్, విమాన ఇంధనం (ATF) ఎగుమతులపై కేంద్ర ప్రభుత్వం కొత్త సుంకాలను ప్రకటించింది. పెట్రోల్‌పై లీటరుకు రూ.4, డీజిల్‌పై రూ.8.5, ATFపై రూ.7.5 చొప్పున ఎగుమతి సుంకం విధించనున్నట్లు తెలిపింది. ఈ కొత్త రేట్లు జూలై 1 నుంచి అమల్లోకి రానున్నాయి.

పశ్చిమాసియా సంక్షోభం నేపథ్యంలో దేశీయంగా ఇంధన కొరత రాకుండా ఉండేందుకు ఈ చర్యలు తీసుకున్నట్లు కేంద్రం తెలిపింది. నేపాల్, భూటాన్, బంగ్లాదేశ్, శ్రీలంకతో పాటు మారిషస్, మాల్దీవులకు ఎగుమతులపై సుంక మినహాయింపు ఇచ్చింది. దేశీయ వినియోగానికి సంబంధించిన ఎక్సైజ్ సుంకంలో ఎలాంటి మార్పులు లేవని స్పష్టం చేసింది.