తిరుమలలో అనంత్ అంబానీ దర్శనం..

రిలయన్స్ అధినేత ముఖేష్ అంబానీ కుమారుడు అనంత్ అంబానీ తిరుమల శ్రీవారిని దర్శించుకున్నారు. ఈ సందర్భంగా ఆయన టీటీడీకి భారీ విరాళాలను ప్రకటించారు. రూ.27.5 కోట్ల విలువైన 25 ఎలక్ట్రిక్ బస్సులను టీటీడీకి అందించనున్నట్లు తెలిపారు.

ఈ బస్సులకు అవసరమైన 50 మంది డ్రైవర్ల జీతభత్యాలను కూడా రిలయన్స్ సంస్థ భరించనుంది. తిరుమలలో చార్జింగ్ స్టేషన్లు ఏర్పాటు చేయడానికి కూడా అంగీకారం తెలిపింది. అలాగే గుజరాత్‌లో వంతారా తరహాలో తిరుమల గోశాల ఆధునీకరణకు సహకరించనున్నట్లు సమాచారం.