జియో యూజర్లకు గుడ్ న్యూస్..

మొబైల్ రీఛార్జ్ ధరలు పెరిగే అవకాశం ఉందన్న చర్చల నేపథ్యంలో రిలయన్స్ జియో తన Jio Prime Membershipను కొత్త రూపంలో తీసుకొచ్చింది. రూ.300 వన్‌టైమ్ రుసుముతో ఈ సభ్యత్వాన్ని తీసుకునే అర్హత ఉన్న వినియోగదారులకు ఏడాది పాటు ప్రస్తుత రీఛార్జ్ ధరలను లాక్ చేసుకునే అవకాశం కల్పిస్తోంది. ఆగస్టు 20 నుంచి ఈ సభ్యత్వం అందుబాటులోకి రానుంది. భవిష్యత్తులో టారిఫ్‌లు పెరిగినా, ధర హామీ వర్తించే కాలంలో ప్రస్తుత ధర ప్రయోజనం పొందేందుకు ఇది ఉపయోగపడనుంది.

జియో రూ.299 ప్లాన్‌ను కొనసాగించనున్నట్లు కూడా వెల్లడించినట్లు సమాచారం. Prime సభ్యత్వం తప్పనిసరి కాదు; తీసుకోని వినియోగదారులు సాధారణ జియో రీఛార్జ్ ప్లాన్లను యథావిధిగా ఉపయోగించుకోవచ్చు. ధరల రక్షణతో పాటు క్యాష్‌బ్యాక్ వోచర్లు, ఇతర డిజిటల్ సేవలకు సంబంధించిన ప్రయోజనాలు కూడా Prime సభ్యులకు లభించనున్నాయి. జియో తొలిసారిగా 2017లో రూ.99 వార్షిక రుసుముతో Primeను ప్రారంభించింది. దాదాపు దశాబ్దం తర్వాత 2026లో కొత్త ప్రయోజనాలతో దీనిని పునఃప్రారంభిస్తోంది.