పేపర్ లీక్ ముఠాతో లింకులా? నీట్ స్కామ్‌పై దర్యాప్తు ముమ్మరం

బీహార్‌లో జరిగిన నీట్ పరీక్షలో భారీ అక్రమాల వ్యవహారం వెలుగులోకి వచ్చింది. అసలు విద్యార్థుల బదులుగా పరీక్ష రాసేందుకు ఏడుగురు నకిలీ అభ్యర్థులను రంగంలోకి దించిన ‘సాల్వర్ గ్యాంగ్’ను పోలీసులు గుర్తించారు. ఈ అక్రమానికి పాల్పడిన ముఠా ఒక్కో అభ్యర్థి నుంచి రూ.30 లక్షల నుంచి రూ.40 లక్షల వరకు వసూలు చేసినట్లు దర్యాప్తులో వెల్లడైంది.

బయోమెట్రిక్ ధృవీకరణ ప్రక్రియలో పాల్గొన్న సిబ్బందితో కుమ్మక్కై ఈ మోసానికి పాల్పడినట్లు అధికారులు గుర్తించారు. ఈ కేసులో బయోమెట్రిక్ సంస్థకు చెందిన 14 మంది ఉద్యోగులతో పాటు మొత్తం 24 మందిని పోలీసులు అరెస్ట్ చేశారు. గతంలో జరిగిన పేపర్ లీక్, పరీక్షల అక్రమాల కేసుల్లో కూడా ఈ గ్యాంగ్‌కు సంబంధాలు ఉన్నాయా అనే కోణంలో విచారణ కొనసాగుతోంది. ఈ ఘటన దేశవ్యాప్తంగా ప్రవేశ పరీక్షల భద్రతపై మరోసారి ప్రశ్నలు లేవనెత్తింది.