లక్నోలో ఘోర అగ్నిప్రమాదం..

ఉత్తరప్రదేశ్ రాజధాని లక్నోలోని అలీగంజ్ ప్రాంతంలో ఘోర అగ్నిప్రమాదం చోటుచేసుకుంది. ఓ కోచింగ్ సెంటర్‌లో చెలరేగిన మంటలు వేగంగా వ్యాపించి రెండంతస్తుల భవనాన్ని పూర్తిగా ఆవరించాయి. సమాచారం అందుకున్న అగ్నిమాపక సిబ్బంది, పోలీసులు వెంటనే ఘటనాస్థలికి చేరుకుని సహాయక చర్యలు చేపట్టారు.

ఈ ప్రమాదంలో 11 మంది ప్రాణాలు కోల్పోగా, పలువురు తీవ్రంగా గాయపడ్డారు. క్షతగాత్రులను సమీప ఆసుపత్రులకు తరలించి చికిత్స అందిస్తున్నారు. మంటల్లో రెండంతస్తుల భవనం పూర్తిగా దగ్ధమైంది. ప్రమాదానికి గల కారణాలపై అధికారులు దర్యాప్తు ప్రారంభించగా, సహాయక చర్యలు కొనసాగుతున్నాయి.