జాన్వీ కపూర్ చేతిపై అందరి చూపు.. కారణం ఇదే!

అన్షులా కపూర్ వివాహ వేడుకల్లో పాల్గొన్న బాలీవుడ్ నటి జాన్వీ కపూర్ తన స్టైలిష్ లుక్‌తో పాటు చేతికి ధరించిన ఖరీదైన లగ్జరీ వాచ్‌తో ప్రత్యేక ఆకర్షణగా నిలిచారు. ఈ అరుదైన పటెక్ ఫిలిప్ వాచ్ విలువ సుమారు రూ.2.5 కోట్లు అని సమాచారం. దీంతో ఈ వాచ్ ఈవెంట్‌లో ప్రధాన చర్చాంశంగా మారింది.

251 మెరిసే వజ్రాలు, 79 అకోయా ముత్యాలతో రూపొందిన ఈ ప్రీమియం టైమ్‌పీస్ అద్భుతమైన నైపుణ్యానికి ప్రతీకగా నిలుస్తోంది. వాచ్ ఫొటోలు సోషల్ మీడియాలో వైరల్ కావడంతో దాని ధరపై నెటిజన్లు ఆశ్చర్యం వ్యక్తం చేస్తూ మీమ్స్, కామెంట్లతో హల్‌చల్ చేస్తున్నారు. బాలీవుడ్ సెలబ్రిటీల లగ్జరీ ఫ్యాషన్ మరోసారి చర్చనీయాంశమైంది.