యశ్‌ మౌనం.. బాక్సాఫీస్‌ నంబర్లే సమాధానం!

యశ్‌ తాజా సినిమా బాక్సాఫీస్‌ వద్ద సంచలనం సృష్టిస్తోంది. కేవలం రెండు రోజుల్లోనే సుమారు రూ.190 కోట్ల వసూళ్లు సాధించినట్లు వార్తలు వస్తున్నాయి. సినిమాపై కొందరు ప్రేక్షకులు విమర్శలు చేయడంతో పాటు మిశ్రమ స్పందన వ్యక్తం చేసినప్పటికీ.. భారీ కలెక్షన్లు మాత్రం సినిమాపై ఉన్న క్రేజ్‌ను చాటుతున్నాయి. తొలి రెండు రోజుల్లోనే నమోదైన వసూళ్లు చిత్ర బృందానికి భారీ ఊరటనిచ్చాయి.

మరోవైపు సినిమాపై జరుగుతున్న చర్చల విషయంలో యశ్‌ ప్రశాంతంగా ఉండటం కూడా హాట్‌టాపిక్‌గా మారింది. బాక్సాఫీస్‌ నంబర్లే అన్నింటికీ సమాధానం చెబుతున్నాయని అభిమానులు అంటున్నారు. సోషల్‌ మీడియాలో సినిమాపై చర్చ కొనసాగుతున్నప్పటికీ.. థియేటర్లలో ప్రేక్షకుల సందడి మాత్రం తగ్గడం లేదు. వసూళ్లు ఇదే జోరుతో కొనసాగితే సినిమా ఎంతటి భారీ విజయాన్ని అందుకుంటుందనే దానిపై ఇప్పుడు ఆసక్తి నెలకొంది.