బీజేపీ జాతీయ నేత, ఏపీ మంత్రి సత్యకుమార్‌ యాదవ్‌కు కీలక బాధ్యతలు

బీజేపీ జాతీయ నేత, ఆంధ్రప్రదేశ్‌ మంత్రి సత్యకుమార్‌ యాదవ్‌కు పార్టీ అధిష్ఠానం కీలక బాధ్యతలు అప్పగించింది. దేశవ్యాప్తంగా నిర్వహించనున్న ‘సేవా సంకల్ప్‌ అభియాన్‌’ కార్యక్రమాలకు దక్షిణాది రాష్ట్రాల ఇన్‌చార్జ్‌గా ఆయనను నియమించింది. ఈ బాధ్యతల్లో భాగంగా దక్షిణాది రాష్ట్రాల్లో జరిగే కార్యక్రమాల సమన్వయం, పర్యవేక్షణను సత్యకుమార్‌ యాదవ్‌ చేపట్టనున్నారు.

ప్రధాని నరేంద్ర మోదీ పాలన 25 ఏళ్లు పూర్తయిన సందర్భంగా బీజేపీ దేశవ్యాప్తంగా నెల రోజుల పాటు ‘సేవా సంకల్ప్‌ అభియాన్‌’ను నిర్వహించనుంది. ఈ కార్యక్రమాలు ఈ నెల 17 నుంచి అక్టోబర్‌ 17 వరకు కొనసాగనున్నాయి. పార్టీ శ్రేణులు, ప్రజల భాగస్వామ్యంతో వివిధ సేవా కార్యక్రమాలను నిర్వహించేందుకు బీజేపీ ప్రణాళిక రూపొందించింది.