విపక్ష ఆందోళనలతో స్తంభించిన పార్లమెంట్

విపక్ష సభ్యుల నిరసనలతో ఈరోజు కూడా పార్లమెంట్ ఉభయ సభల కార్యకలాపాలు తీవ్ర అంతరాయానికి గురయ్యాయి. లోక్‌సభ, రాజ్యసభల్లో సభ్యులు స్పీకర్ పోడియం వద్దకు చేరుకుని నినాదాలు చేస్తూ నీట్ అంశం, అయోధ్య వ్యవహారంపై వెంటనే చర్చ చేపట్టాలని డిమాండ్ చేశారు. దీంతో రెండు సభలను మధ్యాహ్నం 2 గంటల వరకు వాయిదా వేశారు.

సభను సజావుగా నిర్వహించాలని చైర్ పలుమార్లు విజ్ఞప్తి చేసినప్పటికీ విపక్ష సభ్యులు ఆందోళన కొనసాగించారు. నీట్ ప్రశ్నాపత్రాల లీక్‌, అయోధ్య అంశాలపై ప్రభుత్వం సమాధానం చెప్పాలని, వాటిపై చర్చ జరిపిన తర్వాతే సభా కార్యక్రమాలు కొనసాగించాలని విపక్షాలు పట్టుబట్టాయి.