భాగ్యలక్ష్మి అమ్మవారిని దర్శించుకున్న కేంద్ర హోంమంత్రి అమిత్ షా

నగర పర్యటనలో భాగంగా కేంద్ర హోంశాఖ మంత్రి అమిత్ షా హైదరాబాద్‌లోని ప్రసిద్ధ భాగ్యలక్ష్మి అమ్మవారి ఆలయాన్ని దర్శించుకున్నారు. చార్మినార్ సమీపంలోని ఈ ఆలయానికి కేంద్ర మంత్రి జి. కిషన్ రెడ్డి, బీజేపీ తెలంగాణ రాష్ట్ర అధ్యక్షుడు రామచంద్రరావుతో కలిసి ఆయన చేరుకున్నారు. ఈ సందర్భంగా అమ్మవారికి ప్రత్యేక పూజలు నిర్వహించి మొక్కులు చెల్లించుకున్నారు.

అమిత్ షా ఆలయానికి చేరుకున్న సందర్భంగా పూజారులు సంప్రదాయబద్ధంగా స్వాగతం పలికారు. ప్రత్యేక పూజల అనంతరం వేద మంత్రోచ్ఛారణల మధ్య పూజారులు ఆయనకు ఆశీర్వచనాలు అందజేసి తీర్థప్రసాదాలు ఇచ్చారు. అమిత్ షా పర్యటన నేపథ్యంలో ఆలయ పరిసరాల్లో సందడి నెలకొంది.