భారత్‌లో వాట్సాప్ మార్పులు ప్రారంభం

భారతదేశంలో లక్షలాది వాట్సాప్ వినియోగదారులు త్వరలో ఒక పెద్ద మార్పును చూడవచ్చు. కొంతమంది యూజర్లకు యాప్‌లో పుట్టిన తేదీని నమోదు చేయాలని సూచిస్తూ కొత్త నోటిఫికేషన్ కనిపిస్తోంది. ఈ సమాచారం రాబోయే ప్రభుత్వ నిబంధనల దృష్ట్యా కోరుతున్నట్లు అందులో పేర్కొనబడింది. అయితే ఈ అంశంపై మెటా లేదా భారత ప్రభుత్వం నుంచి ఇప్పటివరకు ఎటువంటి అధికారిక ప్రకటన వెలువడలేదు. ప్రస్తుతం ఈ ఫీచర్ కొంతమంది వినియోగదారులకు మాత్రమే పరిమితమైంది.

వయస్సు వివరాలను ఎందుకు కోరుతున్నారనే విషయంపై స్పష్టత లేకపోయినా, సోషల్ మీడియా వినియోగానికి కనీస వయోపరిమితి నిబంధనలు భారతదేశంలో అమల్లోకి వచ్చే అవకాశం ఉందని ఊహాగానాలు వినిపిస్తున్నాయి. ఆస్ట్రేలియా, యూకే వంటి దేశాల్లో ఇప్పటికే ఇలాంటి నిబంధనలు అమల్లో ఉన్నాయి. గతంలో అమెరికాలో వాట్సాప్ వయస్సు ధృవీకరణ ఫీచర్‌ను ప్రవేశపెట్టింది. వినియోగదారులు పుట్టిన తేదీ నమోదు చేసిన తర్వాత దాన్ని మార్చుకునే అవకాశం ఉండకపోవచ్చని నివేదికలు సూచిస్తున్నాయి.