వాట్సాప్ వెబ్‌లో మరో కీలక ఫీచర్...

వాట్సాప్ తన వెబ్ వెర్షన్‌లో గ్రూప్ వాయిస్, వీడియో కాలింగ్ సదుపాయాన్ని అందుబాటులోకి తీసుకువస్తోంది. ప్రస్తుతం ఈ ఫీచర్ ఎంపిక చేసిన బీటా యూజర్లకు అందుబాటులో ఉండగా, త్వరలో మరింత మంది వినియోగదారులకు విస్తరించే అవకాశం ఉంది. ఇప్పటి వరకు వాట్సాప్ వెబ్‌లో వ్యక్తిగత వాయిస్, వీడియో కాల్స్ మాత్రమే అందుబాటులో ఉండగా, తాజా అప్‌డేట్‌తో గ్రూప్ చాట్ల నుంచే నేరుగా కాల్స్ ప్రారంభించే అవకాశం లభిస్తోంది.

ఈ ఫీచర్ ద్వారా ఒకేసారి గరిష్టంగా 32 మంది వరకు వాయిస్ లేదా వీడియో కాల్‌లో పాల్గొనవచ్చు. ఎండ్-టు-ఎండ్ ఎన్‌క్రిప్షన్ రక్షణతో పాటు కాల్ లింకులు, వెయిటింగ్ రూమ్ నియంత్రణలు, వీడియో కాల్స్ సమయంలో స్క్రీన్ షేరింగ్ వంటి అదనపు సదుపాయాలు కూడా అందుబాటులో ఉన్నాయి. ముఖ్యంగా లైనక్స్ వినియోగదారులు మరియు బ్రౌజర్ ద్వారా వాట్సాప్ ఉపయోగించే వారికి ఈ అప్‌డేట్ మరింత ఉపయోగకరంగా ఉండనుంది.