పేపర్ లీక్ చట్ట సవరణకు కేబినెట్ ఆమోదం

దేశవ్యాప్తంగా పరీక్షల ప్రశ్నాపత్రాల లీకేజీలను అరికట్టేందుకు పేపర్ లీక్ చట్ట సవరణ బిల్లుకు కేంద్ర కేబినెట్ ఆమోదం తెలిపింది. పోటీ పరీక్షల్లో పారదర్శకతను కాపాడడంతో పాటు, ప్రశ్నాపత్రాల లీకేజీలకు పాల్పడే వారిపై మరింత కఠిన చర్యలు తీసుకునేలా ఈ సవరణలు తీసుకువచ్చినట్లు కేంద్ర ప్రభుత్వం తెలిపింది.

ప్రతిపాదిత చట్టం ప్రకారం పేపర్ లీక్‌కు పాల్పడిన వారికి గరిష్ఠంగా 10 ఏళ్ల జైలు శిక్ష, రూ.10 కోట్ల వరకు జరిమానా విధించే అవకాశం ఉంటుంది. పరీక్షల మోసాలను అరికట్టి విద్యార్థుల భవిష్యత్తును రక్షించడమే ఈ చట్ట సవరణ లక్ష్యమని కేంద్రం పేర్కొంది.