ఉదయనిధి అరెస్టుపై స్టాలిన్ ఫైర్.. విజయ్ ప్రభుత్వంపై తీవ్ర విమర్శలు

కావేరి జలాల వివాదంపై జరిగిన డీఎంకే నిరసనలో ఉదయనిధి స్టాలిన్ చేసిన వ్యాఖ్యల నేపథ్యంలో ఆయన అరెస్టు కావడంతో డీఎంకే అధ్యక్షుడు ఎంకే స్టాలిన్ విజయ్ ప్రభుత్వంపై తీవ్ర విమర్శలు గుప్పించారు. ఉదయనిధిని బెయిల్‌పై విడుదల చేసినప్పటికీ, అసెంబ్లీ సమావేశాలకు ముందు ప్రతిపక్షాన్ని బలహీనపరచడానికే ప్రభుత్వం ఈ చర్యలకు పాల్పడిందని ఆయన ఆరోపించారు. పోలీసులు వ్యవహరించిన తీరు కూడా ప్రశ్నార్థకమని పేర్కొన్నారు.

కావేరి జలాల విషయంలో రాష్ట్ర హక్కులను కాపాడటంలో ప్రభుత్వం విఫలమైందని స్టాలిన్ విమర్శించారు. ప్రజల సమస్యలను పరిష్కరించడం మానేసి విమర్శకులపై కేసులు పెట్టడం సరైన విధానం కాదని అన్నారు. ఉదయనిధి ఎవరినీ ఉద్దేశించి అభ్యంతరకర వ్యాఖ్యలు చేయలేదని, ఒకవేళ అలాంటివి నిరూపితమైతే ఆయన క్షమాపణ చెప్పడానికి సిద్ధంగా ఉంటారని పేర్కొన్నారు. ముఖ్యమంత్రి విజయ్ పాలనపై దృష్టి పెట్టాలని కూడా స్టాలిన్ సూచించారు.