వందేమాతరం ఆలాపనపై సుప్రీంకోర్టు కీలక వ్యాఖ్యలు

వందేమాతరం గీతంలోని మొత్తం ఆరు చరణాలను తప్పనిసరిగా ఆలపించాలన్న నిబంధనను సవాల్ చేస్తూ ప్రముఖ కర్ణాటక సంగీత విద్వాంసుడు టి.ఎం. కృష్ణ దాఖలు చేసిన పిటిషన్‌పై సుప్రీంకోర్టు విచారణ చేపట్టింది. వందేమాతరం గీతాన్ని ఏ మేరకు ఆలపించాలన్న అంశం వ్యక్తిగత మనస్సాక్షి, స్వేచ్ఛకు సంబంధించినదని విచారణ సందర్భంగా ధర్మాసనం వ్యాఖ్యానించింది. వందేమాతరం ఆలాపనకు సంబంధించిన నిబంధనలను సవాల్ చేస్తూ టి.ఎం. కృష్ణ ఈ పిటిషన్‌ దాఖలు చేశారు.

వందేమాతరంలోని అన్ని చరణాలను ఆలపించని వారిపై శిక్షాత్మక చర్యలు తీసుకోకూడదన్న అంశాన్ని కూడా పిటిషన్‌లో ప్రస్తావించారు. ఈ వ్యవహారంపై కేంద్ర ప్రభుత్వానికి సుప్రీంకోర్టు నోటీసులు జారీ చేసి, రెండు వారాల్లోగా సమాధానం ఇవ్వాలని ఆదేశించింది. వందేమాతరం గీతానికి సంబంధించిన చట్టపరమైన రక్షణ, పూర్తి గీతాన్ని ఆలపించాలన్న కేంద్రం ఆదేశాలపై తదుపరి విచారణ కొనసాగనుంది.