‘గోల్డ్ స్పాట్’ గ్లింప్స్ విడుదల డేట్ ఫిక్స్!

అభిషేక్, కాజల్ చౌదరి హీరోహీరోయిన్లుగా ర్యాడిక్స్ సినిమాస్ బ్యానర్‌పై ‘గోల్డ్ స్పాట్’ చిత్రం తెరకెక్కుతోంది. రవితేజ పచ్చిపాల నిర్మిస్తున్న ఈ సినిమాకు ‘అంబాజీపేట మ్యారేజి బ్యాండు’ చిత్రంతో దర్శకుడిగా గుర్తింపు తెచ్చుకున్న దుష్యంత్ కటికనేని కథ, స్క్రీన్‌ప్లే, మాటలు అందిస్తున్నారు. దుష్యంత్ వద్ద పనిచేసిన వేణు కార్తికేయన్ ఈ సినిమాతో దర్శకుడిగా పరిచయం అవుతున్నారు. ఇప్పటికే విడుదలైన టైటిల్ పోస్టర్‌కు మంచి స్పందన లభించింది.

తాజాగా ‘గోల్డ్ స్పాట్’ అధికారిక గ్లింప్స్‌ను రేపు ఉదయం 11:11 గంటలకు విడుదల చేయనున్నట్లు మేకర్స్ ప్రకటించారు. ఈ చిన్న వీడియో ద్వారా సినిమా ప్రపంచం, కథా నేపథ్యాన్ని ప్రేక్షకులకు పరిచయం చేయనున్నారు. గత జ్ఞాపకాలు, సున్నితమైన బంధాలను గుర్తుచేసేలా సినిమా ఉండబోతున్నట్లు పోస్టర్ ద్వారా తెలుస్తుండటంతో గ్లింప్స్‌పై ఆసక్తి నెలకొంది.