‘టాక్సిక్’ అడ్వాన్స్ బుకింగ్స్‌కు భారీ స్పందన...

రాకింగ్ స్టార్ యశ్ నటించిన భారీ అంచనాల చిత్రం టాక్సిక్: ఏ ఫెయిరీ టేల్ ఫర్ గ్రోన్-అప్స్ విడుదలకు కౌంట్‌డౌన్ తుది దశకు చేరుకుంది. ప్రపంచవ్యాప్తంగా ఆగస్టు 26, 2026న థియేటర్లలోకి రానున్న ఈ సినిమాకు మరో రెండు రోజులు మాత్రమే మిగిలి ఉన్నాయి. ఈ నేపథ్యంలో పలు ప్రాంతాల్లో పరిమిత అడ్వాన్స్ బుకింగ్స్ ఇప్పటికే ప్రారంభమయ్యాయి.

అడ్వాన్స్ బుకింగ్స్‌కు అన్ని ప్రాంతాల్లో మంచి స్పందన లభిస్తున్నట్లు చిత్రబృందం వెల్లడించింది. త్వరలోనే పూర్తి స్థాయి బుకింగ్స్‌ను ప్రారంభించనున్నట్లు తెలిపింది. గీతూ మోహన్‌దాస్ దర్శకత్వం వహించిన టాక్సిక్పై ఇప్పటికే భారీ అంచనాలు నెలకొన్నాయి. యశ్ అభిమానుల్లో నెలకొన్న ఉత్సాహానికి అడ్వాన్స్ బుకింగ్స్ స్పందన మరింత ఊపునిస్తోంది.