నోయిడా ఇంటర్నేషనల్ ఎయిర్‌పోర్ట్‌లో విమాన సేవలు ప్రారంభం

నోయిడా ఇంటర్నేషనల్ ఎయిర్‌పోర్టులో విమానాల రాకపోకలు అధికారికంగా ప్రారంభమయ్యాయి. లక్నో నుంచి వచ్చిన తొలి విమానం విజయవంతంగా ల్యాండ్ కావడంతో విమాన సేవలకు శ్రీకారం చుట్టారు. ఈ విమానంలో జీవార్‌కు చెందిన సుమారు 170 మంది రైతులు, రైతు కూలీలు, మహిళలు ప్రయాణించడం ఈ ఎయిర్‌పోర్ట్ స్థానిక ప్రజలకు ఎంత ఉపయోగకరమో సూచిస్తోంది.

యమునా ఎక్స్‌ప్రెస్‌వే పక్కన ఉన్న ఈ ఎయిర్‌పోర్ట్ మెట్రో రైల్, రోడ్డు కనెక్టివిటీతో మరింత సౌకర్యవంతంగా మారనుంది. పశ్చిమ ఉత్తరప్రదేశ్, ఢిల్లీ ఎన్సీఆర్, హర్యానా, రాజస్థాన్, ఉత్తరాఖండ్ ప్రాంతాలకు ఇది కీలకంగా ఉపయోగపడనుంది. ఆధునిక సౌకర్యాలతో ఈ ఎయిర్‌పోర్ట్ ప్రాంతీయ అభివృద్ధికి, ఆర్థిక వృద్ధికి కేంద్రంగా మారనుంది.