హైదరాబాద్, రంగారెడ్డి జిల్లాల్లో H-FAST భారీ దాడులు..

హైదరాబాద్, రంగారెడ్డి జిల్లాల్లో ఆహార కల్తీని అరికట్టేందుకు H-FAST (హైదరాబాద్ ఫుడ్ సేఫ్టీ టాస్క్ ఫోర్స్) ప్రత్యేక ఆపరేషన్ నిర్వహించింది. ఫుడ్ సేఫ్టీ కమిషనర్ ఆదేశాల మేరకు అధికారులు 6 ఆహార తయారీ, విక్రయ సంస్థల్లో ఆకస్మిక తనిఖీలు చేపట్టి ఆహార భద్రతా నిబంధనల అమలును పరిశీలించారు.

ఈ తనిఖీల సందర్భంగా ఆహార భద్రతా నిబంధనలను ఉల్లంఘించినట్లు ఆరోపణలు ఎదుర్కొంటున్న ఆరుగురిని H-FAST అధికారులు అదుపులోకి తీసుకున్నారు. ప్రయోగశాల పరీక్షల కోసం ఆహార నమూనాలను సేకరించగా, అవసరమైన చోట్ల చట్టపరమైన చర్యలు ప్రారంభించారు. ప్రజల ఆరోగ్య పరిరక్షణ కోసం ఇటువంటి ప్రత్యేక తనిఖీలు కొనసాగుతాయని అధికారులు తెలిపారు.