కొత్త జానర్‌లో అనిల్ రావిపూడి ప్రయోగం

హిట్ మిషిన్ అనిల్ రావిపూడి ప్రస్తుతం విక్టరీ వెంకటేష్, కళ్యాణ్ రామ్ హీరోలుగా, కీర్తి సురేష్, కృతి శెట్టి హీరోయిన్లుగా తెరకెక్కుతున్న ఫ్యామిలీ ఎంటర్‌టైనర్‌కు దర్శకత్వం వహిస్తున్నారు. ఈ చిత్రం వచ్చే ఏడాది సంక్రాంతి కానుకగా ప్రేక్షకుల ముందుకు రానుంది. ఈ సినిమా తర్వాత అనిల్ రావిపూడి చేయబోయే ప్రాజెక్ట్‌పై సినీ వర్గాల్లో ఆసక్తి నెలకొనగా, తాజా సమాచారం ప్రకారం ఆయన తదుపరి చిత్రం కేవీఎన్ ప్రొడక్షన్స్ బ్యానర్‌లో రూపొందనున్నట్లు తెలుస్తోంది. అంతేకాకుండా ఈసారి ఆయన యానిమేషన్ జానర్‌లో ఓ కొత్త ప్రయోగం చేయనున్నారని సమాచారం.

ఇప్పటివరకు కుటుంబ కథా చిత్రాలతో వరుస విజయాలు అందుకున్న అనిల్ రావిపూడి, తన కెరీర్‌లో తొలిసారి యానిమేషన్ రంగంలోకి అడుగుపెట్టనున్నట్లు ప్రచారం జరుగుతోంది. ప్రస్తుతం కేవీఎన్ ప్రొడక్షన్స్ మెగాస్టార్ చిరంజీవి హీరోగా బాబీ కొల్లి దర్శకత్వంలో ఓ భారీ చిత్రాన్ని నిర్మిస్తోంది. ఆ తర్వాత అనిల్ రావిపూడితో యానిమేషన్ ప్రాజెక్ట్‌ను సిద్ధం చేస్తున్నట్లు ఫిల్మ్‌నగర్ వర్గాల్లో చర్చ జరుగుతోంది. అయితే ఈ ప్రాజెక్ట్‌పై అధికారిక ప్రకటన రావాల్సి ఉంది.