ధనుష్ ‘ఓమ్’లో నసీరుద్దీన్ షా ఎంట్రీ!

కోలీవుడ్ స్టార్ హీరో ధనుష్ నటిస్తున్న మోస్ట్ అవేటెడ్ యాక్షన్ డ్రామా ‘ఓమ్’ నుంచి మరో భారీ అప్‌డేట్ వచ్చింది. ఈ చిత్రంలో బాలీవుడ్ దిగ్గజ నటుడు నసీరుద్దీన్ షా కీలక పాత్రలో నటిస్తున్నట్లు చిత్రబృందం అధికారికంగా ప్రకటించింది. రాజ్‌కుమార్ పెరియసామి దర్శకత్వంలో తెరకెక్కుతున్న ఈ చిత్రంలో మమ్ముట్టి, సాయి పల్లవి, శ్రీలీల ప్రధాన పాత్రల్లో కనిపించనున్నారు.

నిజ జీవిత సంఘటనల ఆధారంగా రూపొందుతున్న ఈ సినిమా షూటింగ్ ప్రస్తుతం శరవేగంగా కొనసాగుతోంది. నసీరుద్దీన్ షాకు స్వాగతం పలుకుతూ దర్శకుడు రాజ్‌కుమార్ పెరియసామితో కలిసి దిగిన ఫొటోలను మేకర్స్ విడుదల చేశారు. ధనుష్ కెరీర్‌లో 55వ చిత్రంగా రూపొందుతున్న ‘ఓమ్’ అక్టోబర్ 16న ప్రపంచవ్యాప్తంగా గ్రాండ్‌గా విడుదల కానుంది.