సచివాలయంలో సీఎం చంద్రబాబు, డిప్యూటీ సీఎం పవన్ కళ్యాణ్ భేటీ

సచివాలయంలో ముఖ్యమంత్రి చంద్రబాబు నాయుడు, ఉప ముఖ్యమంత్రి పవన్ కళ్యాణ్ సాయికిషోర్ అదృశ్యం ఘటనపై సమీక్ష నిర్వహించారు. సింగపూర్ పర్యటన ముగించుకుని వచ్చిన వెంటనే సీఎం ఉన్నత పోలీసు అధికారులను పిలిపించి వివరాలు తెలుసుకున్నారు.

ఈ ఘటనలో ఆరోపణలు ఎదుర్కొంటున్న సీఐ నాగరాజును సస్పెండ్ చేయాలని సీఎం ఆదేశించారు. సీనియర్ ఐపీఎస్ అధికారితో నిష్పాక్షపాత దర్యాప్తు జరపాలని స్పష్టం చేశారు. బాధ్యులపై కఠిన చర్యలు తీసుకోవాలని తెలిపారు. ఈ సమీక్షలో సీఎస్ సాయి ప్రసాద్, డీజీపీ హరీష్ కుమార్ గుప్తా, ఇంటెలిజెన్స్ చీఫ్ మహేష్ చంద్ర లడ్హ, విజయవాడ సీపీ రాజశేఖర్ బాబు పాల్గొన్నారు.