భారీ వర్షాలతో జమ్మూకశ్మీర్‌ అతలాకుతలం

భారీ వర్షాలతో జమ్మూకశ్మీర్‌ తీవ్రంగా ప్రభావితమైంది. పూంఛ్‌ జిల్లాలో మట్టిదిబ్బ కూలి ఏడుగురు మృతి చెందారు. మృతుల్లో తల్లి, ఇద్దరు చిన్నారులు కూడా ఉన్నారు. డోడా జిల్లాలో బస్సుపై భారీ బండరాయి పడడంతో ఇద్దరు ప్రాణాలు కోల్పోగా, మరో ఘటనలో ఓ మహిళ మృతి చెందింది.

ఎడతెరిపి లేకుండా కురుస్తున్న వర్షాల కారణంగా పలు రహదారులు దెబ్బతిన్నాయి. ప్రతికూల వాతావరణ పరిస్థితుల నేపథ్యంలో అధికారులు భద్రతా చర్యల్లో భాగంగా తీర్థయాత్రలను తాత్కాలికంగా నిలిపివేశారు.